Reisje Deventer 2016

 

Op de vriedaag vertrokke we met de trein naor Deventer. Veuraaf waas der zoëas gebroekelik verschil van meining euver de verschillende treinkaertjes en wannier se die mochs gebróeke. In Deventer aangekómme zie we naor ut Fletcher hotel gelaupe. Det allein al waas un monument. Het waas un verbouwd kloeëster met alles drop en draan.

​We zien toen direc naor ut centrale plein "De Brink"gelaupe. Heej hadde we de terasjes veur ut óetzeuke. Die ierste glaaze baer waare lekker en toen hebbe we auk maar op utzelfde terras gegaete. Ut waas wal wat biologisch. In de krokette zoot gen vleis.  S' aoves op zeuk naor un leuke kroeg en det woort ut baerkefee De Heks. Det beveel good.

 

Op de zaoterdaag un stevig buffet en wachtte tot de letste klaor waas met aete.

Cees had toen un culturele wandeling door Deventer geregeld. We hebbe leuke straotjes gezeen en genóg plekskes um effe stil te blieve staon. Onderwaeg waer effe op "de Brink" óetgerös en dan waer vaerder. Veur ut diner woort un reserveering gemak beej un Italjaans restaurant. Um 19.00 oor kóste we terech. Sommige snapde det Chinees neet wat der beej eur op de kaart steit. Det kós dan óetgelag waere aan die andere. Der waare auk veilige menuus met dreej soorte pastaas. Dan zoel der zeker eine van smaake. Volgens good Italjaans gebroeëk heelde de gebroeders Pieters allebeij de pet op.  ​Dan ginge we waer naar ut baerkefee. Waas niks mis meij.

 

Op de zondaag hebbe we nog un wandeling gemak euver de brük naor de euverkant van de IJsel. Beej ut IJselhotel waas ut good zitte met ut zicht op Deventer aan ut waater. Op de fotoos kins se zeen dat we door un glaas baer kreeg met un scheulke neutjes en olieve. En beej de koffie un glaas waater met un likeurtje. Det zoele we aan Herman laote zeen. Toen der auk nog de speulersbus kwaam van voetbalclub Go Ahead Eagles hadde we genóg te vertelle en te kieke. Truuk naor de euverkant kós met un veerpontje. Dan woort ut waer tièd veur de truukreis naar Venlo. En waer waare der probleeme met de kaertjes. Un gelöck dat ze die bejaarden neet óet de trein hebbe gezatte. Cees had waer good zien bes gedaon.