Ut meijlaupe in de optoch is toch wal de groeëtste actviteit van ós idder jaor. We hebbe un vastelaovesoptoch-werkgroep die met ut idee kump en waor we in de vergadering euver stumme. Nao goedkeuring werke ze vaerder alles óet.

 

Ózze ideeën slaon meistal neet op ut mótto van Jocus maar gewoeën op iets wat we leuk vinde um te doon.

​In de beginjaore wónne we nog ierste prieze als groep.

 

In aafwieking van alle andere groepe die noow meijlaupe en erg fleurig en netjes zien, zeen weej ós zelf als unne groep faatse. Beej ós geit ut idee veurop en det wille we laote zeen.

 

Auk de Wannevleegers waere alder en alder.....

​We hebbe 55 kier meijgelaupe in de optoch. We hebbe noow beslaote um met deze activiteit te stoppe.  2016 waas de letste kier.